Қызылордада «Алтын белгі» иегерлерінің 89 алғашқы ұстазы шипажайға жолдама алды

Қызылорда қаласында мұғалімдер күніне арналған «Ұстаз, Сіз құрметке лайықсыз» тақырыбында мерекелік шара өтті.

Ұстаздар күні мерекесімен тұспа тұс келген қарттар күні мерекесіне орай 75 жас мерейтой иесі №171 орта мектептің ардагер ұстазы Мадина Әліпбаева марапатталды.

Сонымен қатар, қалалық білім жанындағы ұстаз ардагерлер кеңесінің төрағасы Мылтықбай Баймбетов және белсенді кәсіподақ төрағалары «Құрмет грамотасын» иеленді.

Шәкірт тәрбиелеудегі өлшеусіз еңбектері үшін бірқатар ұстаздар облыстық білім басқармасы мен кәсіподақ комитетінің бірлескен «Құрмет грамотасына» ие болды.

Сонымен қатар 2019-2020 оқу жылының 153 «Алтын белгі» иегерлерінің 89 алғашқы ұстаздарына «Бір көлік» шипажайына жолдама берілді.