Бүгін Алматыда сағат 11:00-де Шоқан Уәлиханов алаңында Жанболат Мамайдың ұйымдастыруымен “Демократиялық партия” құрғысы келетін топ өкілдері рұқсат етілген митингісін бастады. Алаңға жиналғандар арыз-шағымдарын айтып, билікке халықтың үніне құлақ асуды талап етті.
Митингіге келгендердің кейбірі “Тоқаев саяси реформа туралы уәдең қайда?”, “Арон Атабек пен Макс Боқаевқа бостандық!”, “Чжан Сяо Қазақстаннан кет!”, “Қытай экспансиясына жол жоқ”, “Несие кешірілсін!” деген жазуы бар плакат ұстап алған. Жиынға жиналғандар: жер үшін күреске Арон Атабек пен Макс Боқаевқа бостандық берілсін, жер шетелдіктерге сатылмасын, – деп арыз-шағымын жеткізді.
