Шымкент қаласының Халыққа қызмет көрсету орталықтары жұмыс кестесін уақытша өзгертті. Бұл
туралы шешімді Шымкент қаласының Бас мемлекеттік санитариялық дәрігері қабылдады, – дейді
«Азаматтарға арналған үкімет» МК КЕАҚ Шымкент қаласы бойынша
филиалының баспасөз қызметі.
Енді ХҚО азаматтарды дүйсенбі-жұма аралығында сағат 09.00-ден 14.00-ге дейін қабылдайды.
Сенбі демалыс.
Санитарлық-эпидемиологиялық режимді сақтау мақсатында ХҚО-ға кезек уақытын белгілеу үшін
еgov.kz порталын, eGovKzBot2.0 телеграм-ботын пайдалануға немесе 1414 байланыс орталығына
қоңырау шалуға болады.
Осыған байланысты мемлекеттік қызметтерді алу үшін кезекті сағат 13.30-ға дейін брондау қажет.
ХҚО-ға барған кезде қашықтықты сақтауды сұраймыз және медициналық маскалардың болуы
талап етіледі.
Г. ҚАПАЛ
