«Халқымыз біздің-байлығымыз». Шымкентте осындай атаумен коронавирус
инфекциясын жұқтырған науқастарды ерте анықтау мақсаттында іс шара
өтті. Шара аясында білікті дәрігерлерден құралған бригада қызметкерлері
эпидемияға қарсы режим талаптарын сақтап және тиісті жеке қорғану
құралдарын пайдаланып қаланың шетіндегі елді мекендердергі созылмалы
ауруға шалдыққан науқастарды медициналық тексеруден өткізді.
Арнайы жасақталған мамандар тобының қатарында елді мекендерде табыла
бермейтін дәрігерлер де бар. Денсаулық керуенінде жасақталған топта
невропатолог, стоматолог, маммолог , онколог, кардиолог, окулист сынды
мамандар жергілікті халыққа медициналық қызмет көрсетті.
Денсаулық керуенінде жасақталған топта невропатолог, стоматолог,
маммолог, онколог, кардиолог, окулист сынды мамандар жергілікті
тұрғындарға карантин кезінде созылмалы ауруды асқындырып алмауды және
коронавирустан қорғану жөнінде кеңес беруде.
Сонымен қатар, коронавирус инфекциясының таралауын алдын алу және
түсіндіру жұмыстары кезінде медицина мамандары қоғамдық көліктерде де
жолаушылардың дене қызуын өлшеп, карантиндік талаптарды ұстауға
шақырды. Айта кетейік, «Халқымыз біздің-байлығымыз» акциясы 17-19
маусым аралығында жалғасады. Дәрігерлер қаланың шетіндегі елді
мекендерге және ерекше күтімді талап ететін науқастардың үйіне барып
медициналық көмек көрсетеді.
Г. ҚАПАЛ
