Алматыда «Дикий Арман» лақап атымен танылған криминалды авторитет Арман Жұмагелдиевті қамауға алу мерзімі екі айға ұзартылды. Бұл туралы Алматы қалалық сотында мәлім болды, деп хабарлайды Qazweek.kz ақпарат агенттігі Zakon.kz порталына сілтеме жасап.
4 сәуірде тергеу сотының қаулысымен тергеу органының өтінішхаты қанағаттандырылды. (Арман Жұмагелдиевке. – Ред.) Қамау мерзімін 7 маусымға дейін ұзартуға рұқсат етілді.Абай Жарылқасын, Алматы қалалық сотының ресми өкілі
Еске салайық, 7 қаңтарда Алматыда «Дикий Арман» есімді криминалды топтың жетекшісі ұсталған болатын. Қазақстан Республикасы Ішкі істер министрлігі Арман Жұмагелдиевпен бірге оның тобының бес мүшесі де ұсталғанын хабарлады.
