Алматыда төтенше жағдай режимі аяқталған тұста тағы да халықтың тыныштығын алған оқиға орын алуда. Қазақ-Британ техникалық университетінің маңына жиналған өрт сөндіру көліктері мен қаптаған полиция қызметкерлері халықтың зәресін алуда, деп хабарлайды Qazweek.kz ақпарат агенттігі.
Қазіргі таңда Қазақ-Британ техникалық университеті маңындағы барлық дерлік дүкендер жабылып жатыр. Сондай-ақ аталған орынға ОМОН қызметкерлері де жеткізілген.
Сыбыс бойынша бүгін алаңға митинг жасаушылар жиналуы керек. Күні кеше ғана қантагөспен өткен “бейбіт шеруді” халықтың көзі көрді. Оқиғаның салдарынан жазықсыз қаза болғандарды жер қойнына тапсырғалы да ұзақ уақыт өте қойған жоқ. Бейбіт шеру деп шыққандардың арты орны толмас қаза мен қаланың өртке орануына алып келгенін барлығымыз білеміз. Қазаның арты суымай тұрып, халықты ереуілге шақырып, қайта көтеру қаншалықты дұрыс?
Күні кеше болған оқиғадан кейін ОМОН қызметкерлері мен полициялар да ендігі болатын митингтерге арнайы дайындықпен келетіні де белгілі. Төтенше жағдай аяқталғанымен халық арасында әлі де арандатушылар бар екендігін ұмытпайық!
