Ғаламторда “несие кешіріледі” деген хабарламаны естіген жұрт Ұлттық банк ғимаратының алдына жиналды. Соның салдарынан банктің алдында ұзын-сонар кезек пайда болған, деп хабарлайды Qazweek.kz ақпарат агенттігі Экспресс К порталына сілтеме жасап.
WhatsApp желісінде тараған хабарламада «Егер несиеңіз болса, тез арада банкке өтініш беріп, арыз жазу керек. 15-ші желтоқсанға дейін құжат өткізгендердің несиесі кешіріледі», — деп жазылған. Сол-ақ екен осыны естіген жұрт банк ғимаратының алдына көптеп жиналды.
Қолдарына бір-бір бланк ұстаған жұрт несиеміз кешіреле ме деп үміттенеді. Көбісі несиесіне тиісті ақпаратты жазып, банк өкілдеріне өткізген, ал біразы өткізуге тырысып жүр. Арасында түнгі сағат 2-3-тен бері жүргендер де бар.
Менің екі несием бар. Хабарламаны ғаламтордан естіп, бірден осында келдім. Мұнда бланк толтырып өткізгеннен кейін 15-20 күн ішінде бір хабары келетінін айтты,
Олардың айтуларынша, әу баста елдің құжатын мөрмен қабылдап алған банк өкілдері адам саны көбейген соң құжаттарды тіпті қабылдамай қойған. Бланк іздеген жұрт ғимарат маңындағы дәріханадан сатып алып, толтырып жатқандарын айтты.
Дәріханадан 50 теңгеге сатып алдық. Банк қызметкерлері бланк берген жоқ. Осы жерде полицейлер де 20 теңгеден саудалады. Мен өзім дәріханадан алдым,
Ал қаржы нарығын реттеу және дамыту агенттігі бұл ақпараттың жалған екенін айтады.
7 желтоқсанда әлеуметтік желілерде «несиеге рақымшылық» жасалады деген ақпарат тарады. Бұл хабарлама шындыққа жанаспайды,
Әзірге жалған ақпаратты кім таратқаны белгісіз. Экспресс К бұл жағдайды назарда ұстайды.
