Өзін-өзі өлтіруге дейін жеткізу бойынша іс тіркелді
Алматыда тағы бір әйел 12 қабаттан секіріп, мерт болды деп хабарлайды Qazweek.kz ақпарат агенттігі Zakon.kz порталына сілтеме жасап.
Оқиға куәгерлері әлеуметтік желіде жас қыздың Ақсай ықшамауданындағы көпқабатты үйлердің бірінен секіргенін хабарлады.
Алматы қаласының полиция департаменті бұл деректі Әуезов ауданының полиция басқармасы Қылмыстық кодекстің 105 бабы (өзін-өзі өлтіруге дейін жеткізу) бойынша тіркегенін мәлім етті.
Қажетті сараптамалар тағайындалды. Оқиғаның мән-жайы анықталып жатыр.Алматы қаласы полиция департаментінің баспасөз қызметі
Бұл жағдай кеше сағат үштерде болды. Мен ол кезде дәріханаға бара жатқан едім. Бір нәрсені лақтырып жібергендей дыбыс шықты. Көршілер жиналып, жедел жәрдем шақырттық. Сол жерге әкесі де келді. Артында балалары қалды. Бар білерім осы.Биіктен секіріп, мерт болған әйелдің көршісі
Бірер күн бұрын Алматы қаласында тағы бір қыз биіктен секіріп, қайтыс болған еді. Ол іс бойынша «Өзін-өзі өлтіруге жеткізу» бабы бойынша тергеу жүргізіліп жатыр.
