«Бірыңғай жинақтаушы зейнетақы қоры» АҚ баспана сатып алу үшін зейнетақы жинақтарының жеткіліктілік шегін ұлғайтты, деп хабарлайды Qazweek.kz ақпарат агенттігі Azattyq Rýhy порталына сілтеме жасап.
Қор мұны минималды жеткіліктілік шегін анықтау әдісімен түсіндірді.
Әдістемеге сәйкес ТЖШ мөлшері әрбір жас ерекшеліктері үшін есептеледі және болашақ зейнетақы төлемдері мен зейнетақы жарналарының өсуін (индекстелуін) ескереді.
«Бұл ретте Қазақстан Республикасының «Республикалық бюджет туралы» Заңына сәйкес, жыл сайын индекстелетін ең төменгі жалақы (ЕТЖ), ең төменгі зейнетақы (ЕТЗ), ең төменгі күнкөріс деңгейі (ЕТКД) сияқты әлеуметтік көрсеткіштер қолданылады. Осыған байланысты ТЖШ мөлшерін есептеу жыл сайын аталған көрсеткіштердің өсуін ескере отырып жүргізіледі.
2022 жылға әлеуметтік көрсеткіштер көлемі ұлғайғандықтан (атап айтқанда, ең төменгі жалақы мөлшері 42 500 теңгеден 60 000 теңгеге дейін көтерілсе, 2022 жылға ТЖШ шамасы да өсті», – деп хабарлады БЖЗҚ.
Қазір жеткіліктілік шек 1,7 млн теңгені құрайды. Ал 2022 жылы ол 3,1 млн теңгеге дейін артады, яғни 1,8 есе артады.
«Азаматтардың пайдалануы үшін қолжетімді зейнетақы жинақтары тек міндетті зейнетақы жарналарын және міндетті кәсіптік зейнетақы жарналарын ғана емес, сондай-ақ, оларды инвестициялаудан алынған инвестициялық табысты да қамтиды. ҚР «Қазақстан Республикасында зейнетақымен қамсыздандыру туралы» заңында: «зейнетақы жинақтарының ең төмен жеткілікті шегі – Қазақстан Республикасының Үкіметі бекіткен әдістемеге сәйкес айқындалған, республикалық бюджет туралы заңда белгіленген және тиісті қаржы жылының 1 қаңтарында қолданыста болатын ең төмен зейнетақы мөлшерінен кем емес ай сайынғы зейнетақыны қамтамасыз ету үшін қажетті міндетті зейнетақы жарналары және (немесе) міндетті кәсіптік зейнетақы жарналары есебінен қалыптастырылған зейнетақы жинақтарының ең төмен мөлшері» деп айқындалған», – делінген хабарламада.
| Жас ерекшеліктері | ТЖШ, теңгемен |
| 20 | 3 140 000 |
| 21 | 3 250 000 |
| 22 | 3 370 000 |
| 23 | 3 490 000 |
| 24 | 3 610 000 |
| 25 | 3 730 000 |
| 26 | 3 860 000 |
| 27 | 3 980 000 |
| 28 | 4 110 000 |
| 29 | 4 240 000 |
| 30 | 4 370 000 |
| 31 | 4 510 000 |
| 32 | 4 640 000 |
| 33 | 4 780 000 |
| 34 | 4 920 000 |
| 35 | 5 060 000 |
| 36 | 5 200 000 |
| 37 | 5 350 000 |
| 38 | 5 490 000 |
| 39 | 5 640 000 |
| 40 | 5 790 000 |
| 41 | 5 950 000 |
| 42 | 6 100 000 |
| 43 | 6 260 000 |
| 44 | 6 420 000 |
| 45 | 6 580 000 |
| 46 | 6 750 000 |
| 47 | 6 920 000 |
| 48 | 7 090 000 |
| 49 | 7 260 000 |
| 50 | 7 430 000 |
| 51 | 7 610 000 |
| 52 | 7 790 000 |
| 53 | 7 970 000 |
| 54 | 8 150 000 |
| 55 | 8 340 000 |
| 56 | 8 530 000 |
| 57 | 8 720 000 |
| 58 | 8 920 000 |
| 59 | 9 120 000 |
| 60 | 9 120 000 |
| 61 | 9 120 000 |
| 62 | 9 120 000 |
