Алматыдан ұшып шыққан Air Astana ұшағы қайта әуежайға қонды, — деп хабарлайды Qazweek.kz ақпарат агенттігі Tengrinews.kz порталына сілтеме жасап.
Авиакомпанияның мәліметінше, KS 863 Алматы-Ақтөбе бағытындағы ұшақ Алматыдан 05.30-да ұшқан.
«Техникалық себептерге, қону әуежайында техникалық қызмет көрсетілмеуіне байланысты ұшақ командирі әуежайға қайту туралы шешім шығарған. Қону әдеттегідей қалыпты өтті», — делінген хабарламада.
Ұшақ 15.40-та ұшады деп жоспарланып отыр. Жолаушыларға тамақ пен сусын беріледі.
