Қазақстанда пәтерлер қымбаттады. Бұл туралы Ұлттық статистика бюросының 2021 жылғы қаңтардағы деректерінен белгілі болды, – деп хабарлайды Qazweek.kz ақпарат агенттігі Tengrinews.kz порталына сілтеме жасап.
Жаңа тұрғын үй бағасы үш пайызға, қайталама нарықтағы пәтерлер бір айда бірден бес пайызға өскен.
Бастапқы тұрғын үйлерге жылдық өсім – 7,3 пайыз, қайталама нарықта – 17,9 пайыз.
Ал абаттандырылған тұрғын үйді жалдау ақысы 2,7 пайызға жоғарылады.
Кrisha.kz деректері бойынша, 2020 жылы желтоқсанның соңында Қазақстанның тұрғын үй нарығындағы ұсыныстардың орташа бағасы бір жыл ішінде 17,2 пайызға өскен. Нұр-Сұлтанда өсім – 3,6, Алматыда – 11,9 пайызды көрсетті. Ең жоғары динамика Петропавлда, атап айтқанда – 28,7 пайыз, сондай-ақ Павлодар мен Семейде, тиісінше 26,5 және 25,2 пайыз.
