Бүгін қазақтын ақиық ақыны Мұқағали Сүлейменұлы Мақатаевтың туған күні. Ақының туғанына 90 жыл толуына орай Қасым-Жомарт Тоқаев өзінің твиттердегі парақшасында Мұқағалиді “күллі қазақтың болмыс-бітімі”, – деп атап, бұл – үлкен мерейтой екендігін жеткізді.
Мұқағали поэзиясы – күллі қазақтың болмыс-бітімі. Оның сырлы сезімге толы жырлары қалың оқырманның жүрегінен орын алды. Ақын мерейтойы Тәуелсіздігіміздің 30 жылдығымен тұспа-тұс келіп отыр. Бұл – әр қазақтың шаңырағындағы мерейлі той, делінген жазбада.
