23 C
Алматы
Жұма, 3 Мамыр 2024
  • Қазақ тілі
  • Русский
  • English
  • Қоғам

    Қуат Хамитовтың соты кейінге шегерілді

    Алматы қаласының Алмалы аудандық сотында көпті зорлық-зомбылыққа шақырды деп айыпталған қазақстандық ережесіз жекпе-жек шебері Қуат Хамитовке қатысты сот отырысы жалғасуда, деп хабарлайды Qazweek.kz ақпарат агенттігі zakon.kz порталына сілтеме жасап.

    Атап айтқанда, ол желідегі көпті зорлық-зомбылыққа шақырып, көшені дезинфекциялаушыларды таспен ұруға кеңес берген видеосы үшін айыпталуда.

    Бүгін, 20 қаңтарда сот отырысы болмады, өйткені Қуат Хамитов отырысқа қатыспады. Адвокаттың айтуынша, бұған Қуат Хамитовта интернет байланысының өте нашар болуы себеп. Осыған байланысты адвокат сот отырысын кейінге қалдыруды сұрады. Оны прокурор қолдап, басты күдіктінің қатысуынсыз процесті жүргізудің мағынасы жоқ екенін атап өтті.

    Нәтижесінде судья сот отырысын кейінге қалдырды, оның мерзімі кейінірек белгілі болады.

    Сот отырысы 18 қаңтарда басталды. Қуат Хамитов Республика Қылмыстық кодексінің 272-бабының 3-бөлігі, яғни “Мемлекеттік қызметкерлердің заңды талаптарына белсенді түрде бағынбауға және жаппай тәртіпсіздікке шақыру немесе арандату, сондай-ақ азаматтарға зорлық-зомбылық көрсетуге шақыру” бойынша айыпталуда.

    Бұл бапта ең жоғарғы жаза – 3 жыл мерзімге бас бостандығынан айыру қарастырылған.

    Былтыр күзде әлеуметтік желілерде Қуат Хамитов қазақстандықтарды көшеде дезинфекция шашуларды ұрып, көктен дәрі шашқан тікұшақтарды байқаса, оған оқ атуға шақырған видеосы пайда болды.

    Содан кейін тағы бір видео пайда болды, онда ол ешкімді жаман істерге шақырғысы келмегенін мәлімдеді.

    қатысты посттар

    Тоқаев: Мен алтын ғасырдың президенті болдым

    “Ринат, сен өтірік айтпа! Халықты Храпуновпен алдама!” (видео)

    “Оның бәрі заңсыз әрекет екен…” – митингке қатысқан жастардың өкініші (видео)

    Пікір қалдыру

    1 + 16 =

    * Используя эту форму, вы соглашаетесь с хранением и обработкой ваших данных на этом веб-сайте.