Қызылорда облысында көкөніс өнімдерін сақтайтын қойманы кеңейту мақсатында көтерме-тарату орталығы салынады. Ол үш жерде орналасады. Яғни, облыс орталығында және Жаңақорған, Шиелі аудандарында. Әр қайсысына 8 гектар жер бөлінді.
«Сауда-логистикалық аймақ құру және көкөніс өнімдерін сақтайтын қойманы кеңейту бағытында шаралар қабылданды. Орталықты салуға жер телімі белгіленді. Енді құрылысына қатысты жұмыстар атқарылуда. Бастысы, өңірге қажетті өнім қоры жасақталып, көтерме бағада сатылады», – дейді ауыл шаруашылығы басқармасының басшысы Шахмардан Қойшыбаев.
