12 C
Алматы
Жұма, 29 Наурыз 2024
  • Қазақ тілі
  • Русский
  • English
  • Аймақтар

    Қызылорда: Қазалы ауданының тұрғыны ауласында қарағай өсіруде

    Қазалы ауданының Қарақұм беткейінде қарағайды өсіріп отырған Тапа ауылының байырғы тұрғыны Аманжол Жұмабеков. Ақсақалдың ауласында мұнан басқа жеміс ағаштары мен бау-бақша жайқалып өсіп тұр.

    Аудан әкімі Мұрат Ергешбаев Қарақұмға сапары барысында Тапа ауылына арнайы соғып, еңбекқор ақсақалға сәлем берді. Амандық-саулықтан соң Аманжол Жұмабековтан шөл далада біздің аймақта кездесе бермейтін қарағайды қалай өсіргенін сұрады.

    Өз кезегінде аудан орталығынан шалғай ауылда тұратын ақсақал мұның ешқандай да құпия сыры жоқ екенін жеткізді. Адам алдына айқын мақсат қойса қолға алған жұмыстың барлығы да жүзеге асатынын жеткізді.

    «Ең бастысы адамға ынта керек және алға қойған мақсатың айқын болуы шарт. Мен де бұл қарағайды бірден өсіре алғаным жоқ. Алғашында дұрыс күтім жасай алмай көшеттерді «өлтіріп» алдым. Онан соң көршілес Ақтөбе облысынан көшет алдырып, қайта ектім. Қазір ауламда 18 түп қарағай өсіп келе жатыр. Ең үлкенінің бойы 3 метрге жетіп қалды», – дейді ақсақал.

    Аудан орталығынан жырақта, Қарақұмның ортасында тұратын Аманжол Жұмабеков ақсақал бұл жақтағы өміріне еш өкінбейді. Қайта өзін осы аумақта бақытты сезінеді екен. Қаласа қалаға барып, ағайын-туыстың қуанышымен де бөлісіп қайтады.

    Ақсақал мұнан бөлек есік алдына жеміс ағаштарын да отырғызған. Биыл өрігі мен шабдалысы алғашқы өнім бергенін мақтанышпен айтып берді.

    Расында алға қойған жоспары нық, ерік-жігері мықты адам өз дегеніне жетпей қоймайды. Оған жетпіске жақындап қалған Аманжол ақсақалдың шөл далада өскен қарағайы мен бау-бақшасы айқын дәлел бола алады.

     

    қатысты посттар

    ШЫМКЕНТ: ДӘРІ-ДӘРМЕКТІҢ БАҒАСЫН КӨТЕРГЕНДЕРГЕ 100 АЕК МӨЛШЕРІНДЕ АЙЫППҰЛ САЛЫНАДЫ

    Фариза

    Шымкент қаласында өткен тәулікте 181 адам коронавирус инфекциясынан жазылып шықты

    Фариза

    Бердібек Сапарбаев вакцинациялау жұмыстарын жеделдетуді тапсырды

    Фариза

    Пікір қалдыру

    one × 5 =

    * Используя эту форму, вы соглашаетесь с хранением и обработкой ваших данных на этом веб-сайте.