Қызылорда облысында аймақ басшысы Гүлшара Әбдіқалықованың
тапсырмасымен облысты қажетті медициналық құралдармен қамтамасыз ету үшін
белсенді жұмыс жүргізілуде. Республикалық бюджет есебінен 68 (ИВЛ) аппаратына
қосымша тапсырыс берілді.
Сонымен бірге, жақын күндері демеушілік көмек ретінде Түркия мемлекетінен 10
(ИВЛ) аппараты ауруханаларға жеткізілетін болса, «РОСКОСМОС» мемлекеттік
корпорациясы тарапынан Байқоңыр қаласындағы ауруханаға 1 аппарат әкелінетін болады.
Облыстағы ауруханаларда бүгін жұмыс жасап тұрған өкпені жасанды желдету
(ИВЛ) аппараттар саны 64 болса, оның 29-ы – қалада, 25 аппарат – аудандық
ауруханаларда орналасқан.
