Суббота, 26 апреля 2025
  • Қазақ тілі
  • Русский
  • English
  • Қоғам

    «5 адам пышақ жарақатымен түсті»: Облыс басшылығы түнде төбелес шыққан Ұйғыр ауданына шұғыл аттанды

    Алматы облысында 5 жігіт пышақ жарақатымен ауруханаға түсті. Төбелес Ұйғыр ауданында болған. Алматы облысы Денсаулық сақтау басқармасының хабарлауынша, жарақат алған жігіттердің үшеуі қазір аудандық ауруханада жатыр, деп хабарлайды Qazweek.kz azattyq-ruhy.kz-ке сілтеме жасап.

    Жанжал Шонжы ауылының Шанхай шағынауданы мен Бахар ауылы жастарының арасында болған.

    «Ол жерде 5 адам жанжалдасқан. Бахардың балалары шетінен спортшы. Сол бұрынғы Ақтан аулында басталған оқиға төбелеске себеп болған сияқты. Бірақ не үшін төбелескенін ұқпадым, кім-кімді соққыға жыққаны белгісіз. Қазір ол жақта полиция мен әскер толып жүр», — деді шонжылық тұрғын.

    Ал облыстық Денсаулық сақтау басқармасы аудандық ауруханаға 5 жігіт пышақ жарақатымен түскенін растады. Жаралы жігіттер түн ортасында жеткізілген. Ауыр жарақат алған екі тұрғынға шұғыл ота жасалыпты.

    «15 маусым күні сағат 23:46-да 5 адам пышақ жарақатымен Ұйғыр аудандық ауруханасына түскен. 1999 жылы туған екі азаматқа ота жасалды. 2 адамға медициналық көмек көрсетілгеннен кейін амбулаториялық ем қабылдауға жіберілді. 1 адам хирургия бөліміне жатқызылды. Қазіргі уақытта 3 адам аталған аурухананың хирургия бөлімінде ем қабылдап жатыр. Жағдайлары тұрақты», — деді облыстық Денсаулық басқармасының баспасөз хатшысы Ләйлім Әубәкірова.

    Алматы облысы әкімінің баспасөз хатшысы орталықтан бір топ адам Ұйғыр ауданына шұғыл жолға шыққанын жеткізді. Істің мән-жайы анықталған соң, толықтырып ақпарат беретінін айтты.

    қатысты посттар

    Шымкенттік 400 отбасы азық-түлік себетіне қол жеткізді

    Фариза

    Шымкенттіктер мақтааралдықтарға киім-кешек пен қажетті заттар жіберді

    Фариза

    «Жаңа Конституция керек». Түрмеден шыққан Макс Боқаев алаңда билікке талабын айтты

    Фариза

    Пікір қалдыру

    12 + 18 =

    * Используя эту форму, вы соглашаетесь с хранением и обработкой ваших данных на этом веб-сайте.