Қызылорда облысының Арал ауданында ағымдағы жылы «Жұмыспен қамтудың жол картасы – 2020» бағдарламасы аясында 16 жоба жүзеге асырылмақ. Оның 6-уы аудан арқылы, қалған 10 жоба облыстық басқармалар тарапынан жүргізілетін болады. Аталған жобаларға жалпы құны 2,9 млрд теңге қаржы қарастырылған.
Қазіргі таңда аудан арқылы жүзеге асырылатын 6 жобаның жеңімпаздары анықталып, 169 бос жұмыс орындары базалық жүйеге қажетті мамандықтар бойынша жарияланып, 85 адам жұмысқа жолданып үлгерген.
Ал, облыс арқылы жүзеге асырылатын 10 жобаның бүгінде 8-нің жеңімпаздары анықталып отыр. Жалпы жұмыспен қамту жол картасы шеңберінде іске асырылатын жобаларға барлығы 608 адамды жұмыспен қамту жоспарланған. Бұл жобалар жол картасының шарттары негізінде бекітілген мемлекеттік сатып алудың арнайы тәртібіне сәйкес жүзеге асырылуда.
