Депутат Бекболат Тілеухан коронавирус жұқтырып, қазіргі таңда ауруханада дәрігердердің бақылауында жытыр. Ол бұл туралы өзінің Instagram желісіндегі парақшасында жазды, деп хабарлайды Qazweek.kz ақпарат агенттігі.
«Қадірлі ағайын! Соңғы күндері көп азаматтар денсаулығыма алаңдаушылық білдіріп, хабарласып жатыр. Әлемдік пандемия салқыны маған да тиді. Коронавирусқа тапсырған тест оң нәтиже көрсетті. Алдымен, үй жағдайында ем қабылдап бастаған едім. Қазір ауруханада дәрігерлердің толық бақылауындамын. Тиісті ем шараларын қабылдап жатырмын. Дәрігерлер атаған COVID симптомдарын бастан өткерудемін. Қазір вирустың таралу ықтималдығы артты. Сондықтан, азаматтарды сақтық шараларын қатаң сақтауға шақырамын. Төтенше жағдай режимі аяқталғанымен, карантин әлі бітпеді. Аман болайық», — дейді ол.
Бұған дейін, естеріңізге сала кетсек, Прзезиденттің баспасөз хатшысы Берік Уәли мен оның ата-анасы да аталған дертке шалдығып, дәрігерлердің бақылауына алынған болатын.
