«Қазақстандық салалық білім және ғылым қызметкерлері кәсіподағы» ҚБ жұмысының негізгі бағыты кәсіподақ мүшелерінің еңбек құқықтары мен кәсіби мүдделерін қорғау болып табылады. Сауықтыруға арналған жәрдемақыларын толық алмаған және өткен мерзімге төленбеген өсімақыларын қайтару бойынша сотқа жүгінген кәсіподақ мүшелеріне Қазақстандық салалық білім және ғылым қызметкерлері кәсіптік одағының Ақмола облыстық ұйымы қолдау көрсетті. Бұл туралы салалық білім және ғылым қызметкерлері кәсіподағының баспасөз қызметі хабарлады.
Ақмола облысының Шортанды аудандық соты кәсіподақ ұйымының ұстанымын қолдай отырып, жұмыскерлердің талаптарын қанағаттандыру туралы шешім қабылдады.
