Желіде жуырда ғана партия ашпақшы болған белгілі кәсіпкер Ахметбек Нұрсиланы ұстап алып кеткен видео тарап кетті, деп хабарлайды Qazweek.kz ақпарат агенттігі Адырна ұлттық порталына сілтеме жасап.
Мұны кәсіпкердің туыстары растап отыр. Әзірге бұл туралы құрылымдық күштер хабарлаған жоқ.
Еске сала кетейік, кеше Ахметбек Нұрсила өзін оппозияция саясаткерімін деп санайтын Ержан Тұрғымбаймен дебатқа түскен еді. Одан бұрын өзінің You Tube каналында “Сен” атты партиясының бірінші жиналысын өткізіп, партия құруға толық әлеуетім жетеді деп мәлімдеген.
