Павлодар облысының экс-әкімі Болат Бақауовқа қызметін асыра пайдаланды деген айып тағылған болатын.Сот шешемімен 2 айға қамауға алынған Бақауовтың үкімі өзгеріп, бүгіннен бастап экс-әкім үй қамауына алынды, деп хабарлайды Qazweek.kz ақпарат агенттігі.
«Павлодар қаласының мамандандырылған тергеу сотының 2020 жылғы 18 ақпандағы шешімімен САУ бастығы – ҚР ҰҚК Алқасының бас тергеушісі, ҚР Бас Прокуратурасы Қылмыстық Іздеу Қызметінің басшысымен күдікті Болат Бақауовты үй қамақта ұстау туралы үкімді өзгерту өтінішін қанағаттандырды», – деп хабарлады Павлодар облысының баспасөз қызметі.
Еске сала кетсек, 17 қаңтарда соттың үкімімен Бақауов екі айға қамауға алынған болатын.
Ал оған дейін Бақауовтың лауазымдық өкілеттігін асыра пайдаланғаны үшін күдікті екені хабарланған болатын. Ұлттық қауіпсіздік комитеті 15 қаңтарда қылмыстық іс бойынша жедел тергеу іс-шараларын өткізген еді.
