Алматыда «Ақкент» тұрғын үй кешені карантинге алынып, қоршалды, деп хабарлайды Qazweek.kz ақпарат агенттігі.
Тұрғындардың хабарлауынша 19 наурыз күні Алматыға келген «Ақкент» тұрғын үйінде жалға алып тұрған адам коронавирусты жұқтырған. Ол Қытайда, Түркияда болып, одан кейін 19-ы күні Алматыға келген.
Қазіргі таңда КТК арнасының журналистері оқиға орнынан видео жолдауда. Ресми ақпарат күтілуде.
Естеріңізге сала кетсек, бүгін Түркия және Белорус елдерінен келген коронавирусқа шалдыққан 4 қазақстандықтың жағдайы туралы хабарланған болатын. Олар 19 наурыз күні Стамбұл- Алматы және Мәскеу-Алматы бағыты бойынша ұшып келген. Қазіргі таңда олар ауруханаға карантинге жатқызылды. Ал олармен бортта бірге болған жолаушыларға тексеріліс жүргізілуде.
Бұған дейін Алматыдағы «Сұңқар», “Almaty Towers” тұрғын үйлері, содай-ақ Медеу ауданының 3 тұрғын үй кешені карантинге алынған болатын.
Бүгінгі ақпарат бойынша коронавирусқа шалдыққандардың саны 68-ге жетіп отыр. Нұр-Сұлтан қаласында-35, Алматыда-29, Қарағанды облысында-2, Алматы облысында-1, Ақтөбе облысында-1.
