Солтүстік Қазақстан облысында шұңқырдан мектеп жасындағы қыздың денесі табылды, деп хабарлайды Qazweek.kz ақпараттық агенттігі ҚазАқпарат сайтына сілтеме жасап.
Оқиға Булево қаласында орын алған. 13 қазанда он жеті жастағы қыз кешкісін сағат 10.00 шамасында үйінен шығып кеткен. Содан қайта оралмаған. Оның туғандары М.Жұмабаев ауданының полиция бөліміне хабарласқан. Қыздың денесі келесі күні іздестіру шараларының барысында табылды.
«Қыздың денесін тексеру кезінде қылмыс ізі байқалмады. Бұл оқиға сотқа дейінгі тергеу реестрінің тізіліміне енгізіліп, бірқатар сараптама тағайындалды. Қыздың отбасы да жайсыз отбасылардың қатарынан емес»,-деп мәлімдеді баспасөз қызметі.
