7 C
Алматы
Жұма, 29 Наурыз 2024
  • Қазақ тілі
  • Русский
  • English
  • Билік және саясат

    “Ырбикүлдер мен Жырбибайлар қаптап кетті…” Шаханов Тоқаевпен өзекті мәселелерді талқыламақ

    Жазушы алдағы бір-екі күнде мемлекет басшысымен жолығуды жоспарлап отыр

    Танымал ақын, қоғам қайраткері Мұхтар Шаханов президентке барып, қоғамның өзекті проблемаларын жеткізбек, деп хабарлайды Qazweek.kz ақпарат агенттігі Sputnik Қазақстан порталына сілтеме жасап.

    “Қазіргі кезде жұрттың көпшілігі кітап оқымайды. Ертеден кешке дейін телеарна көреді. Ал телеарнада адам көрсе ұялатындай, мазмұны мен мағынасы жоқ әндер беріледі. Сөздерін де өздері жаза салған. Жуырда “Қатын” деген бір ән орындалды. Енді, атауының өзі ұят қой. Міне, осылайша, қазіргі кезде телеарна дегенді қолжаулыққа айналдырып алған. Кім ақшаны көп берсе, соны сағаттап көрсетеді”, – деді Шаханов Sputnik Қазақстан тілшісіне берген сұқбатында.

    Оның айтуынша, бұрын әндердің бәрін тексеріп отыратын. Арнайы шығармашылық алқа да болды. Олар қай әнді беруге болатынын шешкен.

    “Қазір біз өте ыңғайсыз кезеңге тап болып отырмыз. Менің “Шындық кейде қалың арпа ішіндей бір бидай. Неге әділдік күресінде жұрттың көбі тымпибай? Ұлтсыздыққа, ұрықсыздыққа кім батылдық көрсетпесе қырғидай, Ондайлардың бүгінгі аты – Ырбикүл мен Жырбибай!” деген өлеңім бар. Қазіргі кезде Ырбикүлдер мен Жырбибайлар қаптап кетті. Туфли жалау алға шығып кетті”, – деді Шаханов.

    Алдағы уақытта ақын мемлекет басшысы Қасым-Жомарт Тоқаевпен кездеспек. Сол кезде қоғамдағы барлық өзекті мәселені жеткіземін деп отыр.

    “Мен осы бір-екі күнде Қасым-Жомарт Тоқаевқа жолығамын. Соған осының барлығын айтайын деп отырмын. Тағы да басқа үлкен проблемаларды айтамын. Негізі, Қасым-Жомарт Тоқаев өзі ерекше бір адам. Ол кісінің әкесі – Кемел Тоқаев менің өлеңдерімді жатқа оқитын. Өте бір пайымды, парасатты адам еді”, – деді Шаханов.

    қатысты посттар

    “Қордайдағы қақтығысқа Әбләзов кінәлі…” – депутат Смағұлов (видео)

    “Қазақтар қысым көріп жатыр” деген ақпарат жалған – Қытай елшісі

    Дулат Ағаділдің Нұр-Сұлтандағы тергеу изоляторында қаза болуына байланысты жиналған белсенділерді полиция күшпен әкетті

    Фариза

    Пікір қалдыру

    20 + 4 =

    * Используя эту форму, вы соглашаетесь с хранением и обработкой ваших данных на этом веб-сайте.