Өскеменде АвтоЦОНның есігін ешкім бұзып кірген жоқ. Әлеуметтік желілерде таратылған бейнежазбаны халық дұрыс түсінбей қалған. Бұл туралы ШҚО-дағы Мемлекеттік қызмет істері жөніндегі департамені басшысының орынбасары Қайрат Сапарғалиев мәлім етті.
– Қазіргі күні облыс орталығындағы АвтоЦонда сағаттап кезек күтіп тұрмайсыз. Әрине, шілденің басында мұндай оқиғалар болған. Мұны жасырмаймыз. Бірақ қазір бұл мәселенің бәрі реттелді, – дейді Қайрат Сапарғалиев.
Мамандандырылған қызмет көрсету орталығынның жүктелісін азайту мақсатында бүгінде Өскемендегі Сәтпаев, Қазақстан және Мыза көшелерінің бойындағы ХҚКО-нан қосымша “терезе” ашылыпты. Енді сол жерлерге барып, автокөліктің құжаттарын тез арада рәсімдеуге болады. Сонымен қатар, үйде отырып-ақ интернеттің көмегімен құжаттарды алуға өтініш білдіріп, бір сағаттан соң “автоцоннан” дайын құжаттарды алып кетуге болады дейді мамандар.
Автокөліктің құжаттарын үйден шықпай-ақ рәсімдеуге болады
