Сөз арнадым көзі ашық, кемел жасқа –
Сенетұғын кім қалды сенен басқа!?.
Жасып кеткен екенбіз көп қайралып,
Е-е-ең шешуші кезеңде өтпей қалып –
Ел сенімін жоғалттық, енді бізге
Қарамаңдар, лаулаңдар отқа айналып!
Құлай сүйсе құшағы – мейір қазақ,
Құрбаның да болуға бейіл қазақ.
Алды-тұйық, арты-жар,
алып шықсаң
Айта жүрер аңыз ғып кейін қазақ!
Жалпы қазақ мерейін өсіріңдер,
Басы болсын өрлеудің осы күндер,
Елордаға өзінің есімін бер –
Ендігі үміт сендерде, кейінгі жас
Біздің қолдан келмеді, КЕШІРІҢДЕР!
Әубәкір Смайылов
Серік Аббас-шахтың Facebook парақшасынан алынды
