Елімізде 9 маусым күні кезектен президент сайлауы өтті, деп жазады Qazweek.kz ақпарат агенттігі.
Әділ сайлау болады деп халық барынша үміттенгенімен, әлеуметтік желіде біршама заң бұзушылық әрекеттер түсірілген видеолар таралып кетті. Біреуінде бір әйел қолына бес бюллетень алып кіріп бара жатса, енді біреуінде бақылаушылардың қитұрқы әрекеттері виедоға түсіп қалған.
Сонымен қатар, жер-жерде митингіге шығып, шуласқан халықтың да фотолары пайда болды. Қариялар мен жастарды жан-жағынан қаумалап, көтеріп ұстап алып кетіп бара жатқан погондағы азаматтар бүгін біраз халықтың ашуына тигені сөзсіз.
