Өзбекстан мен Ресей атом электр станциясының қай жерге салынатыны туралы ортақ шешімге келді деп хабарлайды Qamshy.kz ақпарат агенттігі РИА Новости порталына сілтеме жасап. Бұл — Өзбекстан аумағында салынғалы жатқан алғашқы АЭС.
Ресейдің Сыртқы істер министрі Сергей Лавров Өзбекстан президентімен болған кездесуден соң: «Президент Шавкат Мирзаев АЭС туралы жобаның дамып келе жатқанына ризашылық білдірді және жоба жүзеге асырылатын аумақ туралы да ортақ мәмілеге келдік «,- деп мәлімдеді.
Сонымен қатар, жақын арада Ресей мен Өзбекстан арасында осы тақырып аясында кеңес отырысы өтетінін де айтып өтті.
Өзбекстан президенті 8 ақпанда елдегі атом энергетикасын дамытудың 2019-2029 жылдарға арналған тұжырымдамасын бекіткен болатын. Тұжырымдаманың басты мақсаты жалпы қуаты 2,4 ГВТ болатын АЭС- тың құрылысын және қауіпсіз жұмыс жасауын қамтамасыз ету. Станцияның құрылысы 2022 жылы басталып, Ресей үкіметінен тартылатын несие есебінен жүзеге асырылмақ.
