Сәрсенбі, 7 Желтоқсан 2022
  • Қазақ тілі
  • Русский
  • English
  • Мәдениет және шоу-бизнес

    Ержан Максим: Бірінші орын алмағаным жақсы болды…

    Мәдениет және спорт министрі Арыстанбек Мұхамедиұлы Ресейдегі «Голос. Дети» байқауының жеңімпазын қабылдап, тілшілер үшін баспасөз мәслихатын өткізді, деп хабарлайды ҚазАқпарат.

    «Бізде қазіргі кезде мақтанышпен айту керек – өнерпаз жастарымыз көбейіп келеді. Жақын арада АҚШ-тағы ең мықты «The World’s Best» байқауында Данэлия Төлешова керемет өнер көрсетіп, Димаш Құдайберген финалға шығып, өз жолын Данэлияға берген болатын. Ондай жетістіктер көп. Соның жалғасы ретінде – біздің бауырымыз Ресейдегі «Голос. Дети» байқауында жоғары орын иеленді. Ол үлкен жетістік. Бізде – осыған дейін жастарымыз мұндай байқауларға шыққанымен, финалға жете бермейтін. Бірақ, біздің Ержан суперфиналға шығып, екінші орын иеленіп отыр», – деді министр.

    Министр жиын барысында Ержанға сыйлық табыс етті. Арыстанбек Мұхамедиұлы ҚХА концертінде өнер көрсететінін, Әлібек Дінішевтен кейін ән шырқайтынын хабарлады.

    Кездесу барысында журналистер Ержаннан “Голос. Дети” байқауының қорытындысына көңілің тола ма, бірінші орын алмағаның үшін өкпең бар ма?” деп сұрады.

    “Жоқ, бірінші орын алмағаным үшін ешкімге өкпелемеймін. Бір жағынан, бірінші орын алмағаным да жақсы болды. Егер мен байқауда бірінші орын алсам, бәрі мені құттықтайтын еді. Енді екінші орын алсам да, әртістер танып, әлеуметтік желіде оқырмандарым көбейді”, – деді Ержан Максим.

    «Конкурстан кейін көп нәрсе өзгерді. Қазіргі уақытта Инстаграмдағы жазылушым көбейіп келеді. Қолдап жатқандарыңызға көп рахмет! Бірінші орын алмағаныма ренжімеймін», – дейді Ержанның өзі.

    Ержанның атасының аты Мақсым болған екен. Алайда құжат бойынша Мақсым Максим болып өзгеріп кеткен.

    «Димаш ағамдай болсам деймін. Димаш ағама рахмет айтамын. Алла Пугачева апамызбен кездесерде Димаш ағам видеоқоңыраумен маған хабарласып, құттықтауларын айтып жатыр. Ресейде «Спасибо» деп үйреніп қалыппын. Димаш ағам маған «Қазақша сөйле» деп ескертіп, күлді», – дейді Ержан Максим.

    Еске сала кетейік, бірнеше күн бұрын Ресейдің бірінші арнасының «Голос. Дети» конкурсының суперфиналында Ержан Максим ән шырқап, екінші орын иеленген болатын.

    Алайда көп өтпей «Голос. Дети» конкурсының қорытындысына байланысты дау туындады. РБК мәліметіне қарағанда, Ресейдің бірінші арнасы әнші Алсу мен банкир Ян Абрамовтың он жасар қызы Микелла Абрамова жеңімпаз деп танылған финалдағы дауыс беру қорытындысына байланысты тексеру жүргізбекші.

    Дауыс беру қорытындысы шыққаннан кейін түрлі елдердің көптеген көрермендері наразылық білдіріп, қайта есептеуді талап етті. Атақты шоумен Максим Галкин де Инстаграмдағы парақшасына видео жүктеп, өз пікірін білдірді.






    Похожие записи

    “Жасарып кетіпті”: Желіде Нұрғали Нүсіпжанов пен жас әйелінің жаңа суреті тарады (фото)

    Фариза

    “Жұлысайын деп тұрғандай…” Екі әншінің суреті желіде қызу талқылануда

    “Хүррем Сұлтан” Қазақстанға келеді

    Фариза

    Пікір қалдыру

    19 − 7 =

    * Используя эту форму, вы соглашаетесь с хранением и обработкой ваших данных на этом веб-сайте.