Осы аптада Қазақстан Президенті іс-сапармен Маңғыстау облысында болып, Ақтау көшелерінде ілініп тұрған өзінің суреттерін алып тастауды тапсырған болатын. «Мен мұндайға мұқтаж емеспін» деді мемлекет басшысы.
«Менің суретім бар он шақты билбордты Ақтау көшелеріне іліпті. Бұл дұрыс емес деп ойлаймын. Мен мұндай насихатқа мәжбүр емеспін. Мұндайдың не керегі бар? Оған жұмсаған қаражатты әлеуметтік мәселелерді шешуге жұмсау керек еді», — деді ел президенті.
Белгілі болғандай, 13 сәуір күні жергілікті билік өкілдері Қасым-Жомарт Тоқаев бейнеленген билбордтардың бәрін алып тастаған.
