Ресей примадоннасы Алла Пугачеваның мерекелік кешінде сахнаға қазақ әншісі Димаш Құдайберген шықты, деп хабарлайды Zakon.kz.
Димаш Пугачеваның 1994 жылы шыққан “Любовь, похожая на сон” әнін орындады. Аккомпанемент жасаушысы – Игорь Крутой.
Әлеуметтік желілерде Димаштың концертте ән айтқан видеосы жарияланып, қазақ күміс көмейінің өнеріне таң-тамаша болып, ерекше құрметтейтін оқырмандар, тыңдармандар тарапынан ақжарма тілектерге толы пікірлер көптеп жазылып жатыр.
Еске сала кетсек, наурыз айының 22-23 күндері Димаш Мәскеудің атақты Кремлінде өзінің жеке концертін беріп, концерт аншлагпен өткенін БАҚ өкілдері, телеарналар жарыса жазып, көрсеткен болатын.
