Дәурен Абаев Хабар телеарнасына берген сұхбатында ҚР президентінің жеке өміріне қатысты мәлімдеме жасады деп жазады Qamshy.kz ақпарат агенттігі. Министр Тоқаевтың ажырасқанын растап, ал екінші рет үйленбегенін айтты.
“Жұрттың айтып жүргені неке сақинасы емес, Қасым-Жомарт Кемелұлының мерейтойына жасалған сыйлық. Президенттің екінші әйелі жоқ”, – деді Ақпарат министрі.
Еске сала кетсек, бірнеше күн бұрын Қасым-Жомарт Тоқаевтың ажырасқаны туралы ресми ақпарат жарияланған болатын. Бірақ кейін президенттің неке жүзігімен түскен фотолары қызу талқыланған еді.
