Жұма, 9 Желтоқсан 2022
  • Қазақ тілі
  • Русский
  • English
  • Қоғам Саясат Фотосурет Экономика

    Тоқаев: Мен алтын ғасырдың президенті болдым

    Қасым-Жомарт Тоқаев журналистер алдында сөйлеген сөзінде Қазақстан Республикасының президенті ретінде Ресей Федерациясына жасаған алғашқы сапарының символдық мәнін атап өтіп, екі ел арасындағы қарым-қатынастардың ерекше сипатын айтты деп хабарлайды Ақорданың баспасөз қызметі.

    – Мәскеуге ресми сапармен келуге шақырған Ресей Федерациясының Президенті Владимир Путинге, сондай-ақ қонақжайлық көрсетіп, жылы қабылдағаны үшін ресейлік достарымызға ризашылық білдіремін. Бұл сапар екі тараптың да одақтастықты одан әрі дамытып, Қазақстан мен Ресей халықтарының достық байланыстарын нығайтуға ұмтылатынын көрсетті, – деді мемлекет басшысы.

    Қасым-Жомарт Тоқаев қатысушыларға Қазақстанның Тұңғыш президенті – Елбасы Нұрсұлтан Назарбаевтың мемлекет басшысы өкілеттігін тоқтату туралы шешімі жөнінде айтты және бұл қадам Қазақстанның келешегі үшін жасалған саяси даналық пен үлкен жауапкершіліктің жарқын үлгісі болып табылатынын ерекше атап өтті.

    Тоқаев

    ⒸАқорда

    – Бұл тарихи оқиға әлемдік қоғамдастықтың біздің елімізге зор құрметпен қарауына түрткі болды. Бүгінде Нұрсұлтан Назарбаев барша Қазақстан халқының ыстық ықыласына бөленіп, қолдауына ие болып отыр. Ол Елбасы мәртебесінде Қауіпсіздік Кеңесінің және Nur Otan басқарушы партиясының төрағасы лауазымындағы өзінің ауқымды қызметін атқара береді, – деді Қазақстан президенті.

    Мемлекет басшысы өзінің Президент ретіндегі қызметі Қазақстан мен Ресей арасындағы ынтымақтастықтың «алтын ғасырында» басталғанын атап өтіп, Нұр-Сұлтан мен Мәскеудің жан-жақты диалогын нығайту жөніндегі стратегиялық бағдарды жалғастыруға және бұған дейінгі қол жеткізілген уағдаластықтардың сабақтастығын қамтамасыз етуге зор ниеттестік білдіретінін айтты.

    “Мен Ресей-Қазақстан ынтымақтастығының алтын ғасырында президент лауазымына кірістім.Менің алғашқы ресми сапарымның терең символдық мәні бар, ол біздің елдеріміздің қарым-қатынасы ерекше мәртебеге ие екенін білдіреді”,- деді Тоқаев.

    Похожие записи

    “Мүгедек баланың терісі тесіліп қалған” Қостанайда мүмкіндігі шектеулі балалардың жантүршігерлік жағдайы жаға ұстатты (видео)

    ДДСҰ коронавирустың Қытайдан бөлек тағы 64 елде таралғанын мәлімдеді

    Фариза

    Үш баламен терезеден секірген әйелдің ата-енесі келіні жайлы айтты – видео

    Фариза

    Пікір қалдыру

    eleven + 10 =

    * Используя эту форму, вы соглашаетесь с хранением и обработкой ваших данных на этом веб-сайте.