Мемлекет басшысы бұл Парламент құрамын жаңартуға мүмкіндік беретін қадам екенін айтты
Парламент палаталарының бірлескен отырысында Мемлекет басшысы Мәжіліс пен мәслихаттар сайлауын келесі жылдың бірінші жартыжылдығында өткізуді ұсынды, деп хабарлайды Azattyq Ruhy.
«Мен Мәжіліс пен барлық деңгейдегі мәслихат сайлауын келер жылдың бірінші жартыжылдығында өткізуді ұсынамын», — деді Қасым-Жомарт Тоқаев.
Мемлекет басшысы бұл Парламент құрамын жаңартуға мүмкіндік беретін қадам екенін баса айтты.
«Біз азаматтардың кең тобының мүддесін қорғайтын депутаттардың жаңа құрамын аламыз. Мұның мәслихаттар мен Парламент жұмысының тиімділігін арттыратынына сенімдімін», — деді Президент.
