Бұл туралы Алматы педагогтарының тамыз кеңесінде белгілі болды
Жас мұғалімдер мен дәрігерлер үшін «Алматы жастары» ипотекалық бағдарламасы бойынша арнайы квота енгізіледі. Бұл туралы Алматы педагогтарының тамыз кеңесінде қала әкімі Ерболат Досаев мәлімдеді, деп хабарлайды Azattyq Ruhy тілшісі.
«Бізде «Алматы жастары» қалалық бағдарламасы бар. Жыл сайын 1000 адамның тұрғын үй сатып алу үшін арнайы қаржылық қолдау көрсетеміз. Бағдарлама кең танылған, бұған жыл сайын көптеген үміткер қатысады. Сол себепті мен әріптестеріммен ақылдасып, келесі жылдан бастап жас мұғалімдер мен дәрігерлер үшін арнайы квота енгізетін болып шештік. 1000 адамға тағы 100 квота қосылады: 50-і жас мұғалімдерге, 50-і жас дәрігерлерге», — деді қала әкімі.
