Түркістан облысында бес ауылды су басты

Қазығұрт ауданы әкімдігінің мәліметінше, 24 сәуір күнгі нөсерден бес ауыл суға кеткен. Сарапхана елді мекенінде 200-дей мал, Қақпақ елді мекенінде 200-ге жуық (қой, ешкі) мал шығыны болды, деп хабарлайды Qazweek.kz ақпарат агенттігі Zakon.kz порталына сілтеме жасап.

Қарабау ауыл округ Қарабау елді мекенінде 15 үйге су кірген, деп жазылды Qazaqstan телеарнасының Facebook әлеуметтік желісіндегі парақшасында.

Қызылқия ауыл округі Тұғыртас елді мекеніне 1 үйге, Қызылсеңгір елді мекеніне 12 үйге су кірген.

Арна тілшілерінің хабарлауынша, тұрғындар қауіпсіз жерге көшірілді.

Қазір су басқан аймақта Төтенше жағдайлар депаратаментінің қызметкерлері мен арнайы техника жұмыс істеп жатыр.