2020-2021 жылдардағы жылу беру маусымының қорытындысы бойынша алматылықтарға жылу ақысын қайта есептеу қажеттілігі сот арқылы расталды. Осылайша, монополист компания қаражатты қайта есептеп, азаматтарға қайтаруға міндеттелді, деп хабарлайды Qazweek.kz ақпарат агенттігі Zakon.kz порталына сілтеме жасап.
Қазақстан Республикасы Ұлттық экономика министрлігі Табиғи монополияларды реттеу комитетінің Алматы қаласы бойынша департаменті «Алматы жылу желілері» ЖШС жылумен жабдықтау құнын сыртқы ауаның нақты температурасын ескере отырып, яғни 49,4 млн теңгені мегаполис тұрғындарына қайта есептеуге міндетті.
Алайда Алматы қаласын жылумен қамту қызметін атқаратын «Алматы жылу желілері» ЖШС қайта есептеу шешімімен келіспеді.
Нәтижесінде департамент сотқа шағым түсірді. Әртүрлі инстанциялардағы соттардың шешімдерімен департамент талабы толық көлемде қанағаттандырылды.
Осылайша, күзгі-қысқы кезеңдегі температуралық режимді сақтамағаны үшін «Алматы жылу желілері» ЖШС басқарманың сыртқы ауаның нақты температурасын ескере отырып, тұтынушыларға жылумен жабдықтау құнын қайта есептеу туралы шешімін орындауы тиіс. Яғни 49,4 млн теңге жылу ақысын төлеу кезінде тарифті төмендету арқылы қайтару қажет. Біз «Алматы жылу желілері» ЖШС-не 2022 жылдың мамыр айындағы тұтынушылық түбіртектерді көрсете отырып, 2022 жылдың сәуір айының соңына дейін қайта есептеу қажеттілігі туралы хат жолдадық, — Алматы қаласындағы ұлттық экономика министрлігінің Табиғи монополияларды реттеу комитеті
