Қазақстанда «дядя Вованы көмекке шақырған» радио жүргізушіге қарсы тергеу басталды.
Алматы қаласы полиция департаментінің мәліметінше, Ресей президенті Владимир Путиннен көмек сұрады деген «Еуропа плюс Қазақстан» радиосының бұрынғы жүргізушісі Любовь Панованың ісі бойынша сотқа дейінгі тергеу амалдары басталды.
Бұған дейін радио жүргізуші әлеуметтік желілерде Ресейдің Украинаға басып кіруін айыптағандарға қарсы пікір жазып, басы дауға қалған еді. Ол «дядя Вованы» көмекке шақыратынын айтқан.
Қазақстандықтар Панованың бұл мәлімдемесін Украинаға соғыс ашуға бұйрық берген Ресей президентіне шағымдануы деп санайды.
Дереккөз: Orda.kz
