Әнші Серік Ибрагимов концерт кезінде сөз сөйлеп тұрып сахнадан залға құлап түсті.
Алайда сахнадан залға ауып түскен әншіні бірде-бір көрермен демеп жібермеді, деп хабарлайды Qazweek.kz ақпарат агенттігі Экспресс К порталына сілтеме жасап.
Видеоны өнер иесінің өзі Instagram-дағы парақшасына жүктеді. Бейнежазбадан сөз сөйлеп тұрған әншінің сахнадан оңбай құлағанын көруге болады. Келеңсіз жайтқа тап болған өнер жұлдызын залда отырған көрермен орнынан тұрғызбады. Аяғын ауыртып алған әнші өзі орнынан тұруға тырысып жатыр.
instagram.com/ibragimovserik
Сахнада келеңсіз жайттар анда-санда болып тұрады, — дейді Серік Ибрагимов.
Видеоны көрген желі қолданушылары Серіктің әрекетіне күлсе, енді бірі аяушылық танытып жатты.
Аяғын ауыртып алды-ау. Ондай-ондай ханның қызында да болады. Ұшып түсті. Ішегім түйіліп қала жаздады, — деп жазды желі қолданушылары.
