Қазақстан Республикасының Президенті Қасым-Жомарт Тоқаев Nur Otan партиясының кезектен тыс XXII съезінде партияның атын «Аманат» деп өзгерту туралы ұсынысты қолдады, деп хабарлайды Qazweek.kz ақпарат агенттігі Zakon.kz порталына сілтеме жасап.
«Аманат» қазақ тілінен аударғанда «Бабалар өсиеті», «Болашақ ұрпаққа аманат» дегенді білдіреді. Сондықтан партияның (Nur Otan. – Ред.) атын Аманат деп өзгерту туралы ұсынысты қолдаймын, — Қазақстан Республикасының президенті Қасым-Жомарт Тоқаев
Бұған дейін мұндай ұсынысты ҚР Парламенті Мәжілісінің спикері Ерлан Қошанов айтқан болатын.
Бұл жерді, осы халықты ата-бабаларымыз аманат етіп қалдырған, біз оны кейінгі ұрпаққа аманат етуіміз керек. Халықтың бірлігі, халықтар достығы, еңбексүйгіштігін жаңа ұрпаққа аманат етуге міндеттіміз. Елімізде болып жатқан өзгерістердің бел ортасында біздің партия тұр. Ашығын айтқанда, елмен бірге партияның да жаңаруы қажет. Ұйымның қызметін жаңа мағынамен толтыру үшін қажетті өзгерістерді енгізу маңызды. Осыған байланысты партияның сипаты мен атауын өзгертуді дұрыс деп санаймыз. Сондықтан парламенттік көпшілік партияның атын «Аманат» деп өзгертуді ұсынады,- Ерлан Қошанов
