Қазақстан Республикасының Президенті Қасым-Жомарт Тоқаев қаңтар айының басында елде орын алған қайғылы оқиғалардың себептері туралы сұхбат береді, деп хабарлайды Qazweek.kz ақпарат агенттігі Zakon.kz порталына сілтеме жасап.
Мемлекет басшысының сұхбаты Еуразия бірінші арнасында сағат 21:40-та көрсетіледі.
Президенттің баспасөз хатшысы Берік Уәлидің айтуынша, Қасым-Жомарт Тоқаев сұхбатында қайғылы қаңтар оқиғасының себептері мен салдары, алдағы саяси және әлеуметтік реформалар, сондай-ақ Қазақстанның негізгі сыртқы саясаттағы әріптестерімен қарым-қатынасы туралы сұрақтарға жауап береді.
Айта кетейік, бұл мемлекет басшысының қаңтардағы қайғылы оқиғадан кейін беретін екінші сұхбаты. Біріншісі 29 қаңтарда «Хабар» және «Хабар24» телеарналарында көрсетілді. Онда Қасым-Жомарт Тоқаев қайғылы қаңтар оқиғасының себептері мен салдары туралы сұрақтарға жауап берді.
Сондай-ақ Президент алдағы саяси және әлеуметтік реформалар, Қазақстанның негізгі сыртқы саяси серіктестерімен қарым-қатынастары туралы айтты.
