Жамбыл облысының әкімі Бердібек Сапарбаев белсенді Жанна Папинамен кездесті, деп хабарлайды Qazweek.kz ақпарат агенттігі.
Папина облыс әкімі аппаратының ғимаратына келіп, басқарма басшысымен кездесуді талап еткен. Ол өзімен бірге итінің денесін алып келген. Белсендінің айтуы бойынша оның итін арнайы қызметкерлер атып кеткен.
«Алдымен барлығын анықтап алу керек еді, иттің адамға зияны бар ма, жоқ па? Шаш ал десе, бас аласыңдар. Сендерге ешкім айтқан жоқ , атыңдар, қырыңдар деп. Иесін іздеу керек еді», — деді Бердібек Сапарбаев жауаптыларға.
