Тұңғыш Президент — Елбасы Нұрсұлтан Назарбаевтың інісі Болат Назарбаев ағасын Алатауға теңеп ән шығарды. Әрі Болат Әбішұлының өзі орындаған шығарманың видеосын Халық артисі Мақпал Жүнісова әлеуметтік желіде жариялады, деп хабарлайды Qazweek.kz ақпарат агенттігі Экспресс К порталына сілтеме жасап.
«Аға, сенсің Алатауым» деп аталатын әннің видеосын әнші өзінің Instagram-дағы парақшасына салған.
Ағасына інісі арнайы ән жаздыртып айтқаны өте жарасымды. Бүгін мереке екенін ұмытып кетіппіз, жолда жүрген соң. Тұңғыштың аты тұңғыш, әрине. Бұл да тарих. Ел іргесі бүтін болып, ешқашан соғыс болмасыншы деп тілеймін,
«Алдымызда аға бола білдің сен, Саған лайық іні болу бір арман» деп ән салған Болат Назарбаевтың туындысы толықтай ағасының ел басқарған жылдары, әрі өзінің бірге түскен суреттерімен әрленіпті.
