Уфа арасындағы әуе қатынасы ашылуы мүмкін. Бұл туралы премьер-министр Асқар Маминнің Башқұртстанның басшысы Радий Хабировпен өткен кездесуінде айтты, деп хабарлайды Qazweek.kz ақпарат агенттігі, Azattyq ryhy порталына сілтеме жасап.
Тараптар Қазақстан-Ресей стратегиялық серіктестігін одан әрі тереңдету бойынша өзара іс-қимылдың жай-күйі мен перспективаларын талқылады.
Үкімет басшысы Қазақстанның Башқұртстанмен сауда-экономика, инвестиция, көлік-логистика, энергетика, АӨК, өнеркәсіптік кооперация және басқа да салалардағы ынтымақтастығын арттыру үшін елеулі әлеуеттің бар екенін атап өтті.
2021 жылғы қаңтар-шілде айларында Қазақстан мен Башқұртстан арасындағы тауар айналымының көлемі өткен жылдың сәйкес кезеңімен салыстырғанда 20,2%-ға өсіп, шамамен $200 млн құрады.
Нұр-Сұлтан мен Уфа қалалары арасында тікелей әуе қатынасын ашу мүмкіндігі қарастырылып жатыр.
Келіссөз барысында аймақаралық ынтымақтастықты дамыту, сондай-ақ Жайық (Орал) трансшекаралық өзенінің ресурстарын ұтымды пайдалану және қорғау мәселелері бойынша өзара іс-қимыл мәселелеріне ерекше назар аударылды.
Кездесуге Премьер-Министрдің бірінші орынбасары Әлихан Смайылов, индустрия және инфрақұрылымдық даму министрі Бейбіт Атамқұлов, сауда және интеграция министрі Бақыт Сұлтанов, экология, геология және табиғи ресурстар министрі Серікқали Брекешев, энергетика министрі Мағзұм Мырзағалиев, ауыл шаруашылығы министрі Ербол Қарашөкеев және т. б. қатысты.
Радий Хабировтың Қазақстанға сапары аясында ҚР Президенті Қасым-Жомарт Тоқаевпен, Парламент Сенатының төрағасы Мәулен Әшімбаевпен, Батыс Қазақстан облысының әкімі Ғали Есқалиевпен кездесуі, Қазақстан-Башқұртстан іскерлік форумына қатысуы, АХҚО және Үкіметтің Цифрлық офисіне баруы жоспарланған.
Фото: из открытых источников
