Оралда 28 жастағы әйел жаңа туған сәбиін сатып жіберген, деп хабарлайды Qazweek.kz ақпарат агенттігі, Azattyq ryhy порталына сілтеме жасап.
Келіншек Бөрлі ауданында тұратын ерлі-зайыптылармен келісіп, сәбиін беріп жіберген. Полиция қызметкерлері келіншекті қылмыс үстінде ұстады.
Қазір ҚР ҚК 135-бабы 1-бөлігіне (кәмелетке толмағандарды сату) сәйкес сотқа дейінгі тергеу амалдары жүргізілуде. Облыста 19-24 қыркүйек аралығында жүргізіліп жатқан «Стоп-трафик» жедел іздестіру іс-шаралары барысында 4 қылмыстық құқықбұзушылық ашылып, 10 адам әкімшілік жауапқа тартылды.
Фото: ашық дереккөзден
