Рудныйда балалар үйінде кәмелетке толмаған қыз зорланды. Полиция күдіктіні ұстады, деп хабарлайды Qazweek.kz ақпарат агенттігі zakon.kz порталына сілтеме жасап.
Қостанай қалалық полициясы 1978 жылғы ер адамның балалар үйінің тәрбиеленушісі — кәмелетке толмаған қызды зорлады деген күдікке ілінгенін хабарлады. Ол тұтқындалды. Полиция тергеу амалдарын қолға алды.
Зардап шеккен қызға психологтар көмекке тартылды.
Кәмелетке толмаған қызға әлеуметтік психологиялық оңалту орталығындағы білікті психологтар көмектеседі. Психологтардың мобильді тобы жүргізген іс-шаралар нәтижесінде басқа балаларға қатысты зорлық-зомбылық фактілері ашылған жоқ, — делінген Қостанай облысы әкімдігінің білім басқармасының хабарламасында.
Бұл мәселе облыстық білім басқармасының ерекше бақылауында екені айтылады.
