Естеріңізге сала кетейік, 10 тамызда сағат 17:25-те Қостанай облысы Садчиковка ауылында болған. Жеке секторлардың бірінде тереңдігі 8 метр құдықтың ұңғымасына 2 жасар бала құлап кеткен болатын. Оғаш оқиға орнына жеткен білікті мамандар дереу шешім қабылдаған, деп хабарлайды Qazweek.kz ақпарат агенттігі.
Бала 3.5 метр тереңдікте кептеліп қалған. Оқиға орнына дереу жеткен құтқарушылар алдымен бала дем алып жатқанына көз жеткізген. Олар жедел түрде шұңқырға оттегін жіберіп, баланы шығарып алу мақсатында ұңғыманың жанынан тағы шұңқыр қазған. Құтқарушылар шұңқырдан қолы ғана көрініп тұрған баланы арқанның көмегімен шығарып алдық дейді мамандар.
Баланың өмірін ажалдан арашалаған білікті құтқарушылар арнайы құрмет грамоталарымен марапатталды.
Құтқару операциясына 9 құтқарушы мен 2 техника жұмылдырылды. Көмекке жергілікті ауыл тұрғындары да келген. Баланы құтқару жұмыстары сағат 19:20-да аяқталды. ТЖМ балаларды қараусыз қалдырмауды ескертеді. Төтенше жағдай туындаған кезде «112» немесе «101» нөміріне қоңырау шалуларын сұрайды.
