Хитмен Қайрат Нұртас Алакөл қонақтары үшін концерт қойды. Көрермен толы болған ән кеші аншлагпен өтті. Қайрат Нұртас қатысқан концертте вирус түгілі, ине шаншарға орын болмады, деп хабарлайды Qazweek.kz ақпарат агенттігі Stan.kz порталына сілтеме жасап.
Қайрат желідегі парақшасында концерттен үзінді жариялады. Видеода әнші өзінің әйгілі «Сұранамын» хитін орындауда. Әнші мен көрерменнің бір-бірін сағынып қалғаны көрініп-ақ тұр.
Дегенмен, концертке жиналған халық желі оқырмандарының түсінбестігін туғызды. Облыстар мен қалалар қызыл аймаққа өтіп, коронавирус жұқтырғандар саны артып келе жатқан шақта, халықтың мұнша көп жиналуы концертті сырттай бақылап отырған елді таңдандырды.
Фото: из открытых источников
