Instagram желісіндегі mypavlodar паблигінде Абай ескерткішіне жұмыртқа атып, қоқыс лақтырған адам Павлодар облысы халқы алдында кешірім саұрағаны туралы бейнеролик жарияланды, деп хабарлайды Qazweek.kz ақпарат агенттігі Pavlodarnews.kz порталына сілтеме жасап.
Облыстық сот мәліметтері бойынша 20 жасар Павлодар тұрғыны өз кінәсін мойындаған.
Сот аталған адамның бірнеше рет әкімшілік құқық бұзушылықтарға жол бергенін, яғни қоғамдық орындарды ластау, қоғамдық орындарда мас күйде жүру, алкогольдік ішімдіктер ішу, тыныштықты бұзу секілді бұзушылықтарды ескере жеті тәулікке арест ретіндегі жаза қолданды.
